Damyǵan elderde túsik jasatý kórsetkishi tarıhtaǵy eń tómengi deńgeıge tústi
ASTANA. QazAqparat - Jyl saıyn búkil álemde shamamen 56 mln. jýyq túsik jasalady eken. Damyǵan elderde bul san tarıhtaǵy eń tómen kórsetkishke tústi. Bul týraly Lancet jýrnalynda jarııalanǵan ǵylymı zertteýde jarııalandy.
1990 jyly damyǵan elderde myń áıeldiń 46-sy túsik jasatsa, 2014 jyly bul kórsetkish 27-ni qurady.
Ǵalymdardyń pikirinshe, buǵan kontratseptsııa quraldaryna degen qoljetimdilik yqpal etti.
Damýshy elderde túsik jasatý burynǵy deńgeıde - munda myń áıeldiń shamamen 37-si túsik jasatady.
Zertteýshiler álemdegi árbir tórtinshi júktilik abortpen aıaqtalady degen toqtamǵa keldi. Sonyń ishinde tórtten úsh bóligin otbasyn qurǵan áıelder jasaıtyn kórinedi.
