Damyǵan elderde ómir uzaqtyǵy 80,5 jasqa deıin ósti
ASTANA. QazAqparat - Damyǵan elderde ómir uzaqtyǵy ótken ǵasyrdyń 70-shi jyldarymen salystyrǵanda 10-nan astam jylǵa ósken, dep esepteıdi Halyqaralyq ekonomıkalyq yntymaqtastyq jáne damý uıymy (HEYDU). Uıymǵa 34 el múshe bolyp tabylady.
Uıymnyń sársenbi kúni basyp shyǵarylǵan materıal jınaǵynda HEYDU-da ómir uzaqtyǵy ortasha eseppen alǵanda shamamen 70-ten 80,5 jylǵa deıin ósken. Álem elderinde bul jaǵynan eń kóp ósimdi Túrkııa men Úndistan kórsetti, ondaǵy ortasha ómir uzaqtyǵy úshten bir ese ósken: 1970 jyly Túrkııada 55 jas deńgeıinde bolsa, 2013 jylǵa qaraı shamamen 50-den 76,6 jasqa deıin ósken. Úndistanda ómirdiń ortasha uzaqtyǵy shamamen 50 jastan 66,5 jasqa deıin ósti, alaıda olar bul ólshem boıynsha álemdegi eń tómen nátıje kórsetken elderdiń biri bolyp qalyp otyr.
Ósimniń bolar-bolmas kórsetkishteriniń biri - Reseıde. Uıym materıaldarynda aıtylǵandaı, 1970 jyly reseılik azamattyń ómiriniń ortasha merzimi shamamen 68 jas bolsa, 2013 jylǵa qaraı 71 jasqa deıin ósken. Salystyrmaly ósimdi Lıtva men Latvııa kórsetken, alaıda olardyń 2013 jylǵy kórsetkishteri RF-ǵa qaraǵanda shamamen bir nemese eki jyl kóp bolǵan (tıisinshe 73,9 jáne 73,5 jas). Tizimde Reseı tek eki elden qalyp otyr - bul Ońtústik Afrıka (56,8 jas) jáne Úndistan.
HEYDU-nyń málimetterinshe, eń kóp ómir súretinder - bul japondyqtar. Japondyq azamattardyń ortasha ómir uzaqtyǵy 2013 jyly 83 jastan sál asqan. Japonııadan keıin bul kórsetkish boıynsha salystyrmaly sandarmen Ispanııa men Shveıtsarııa tur.
Zertteýshilerdiń málimetteri boıynsha, 1800 jyly eldegi áıelder ómiriniń ortasha uzaqtyǵy 33 jas, er adamdarda - 31 jas bolǵan.
