Damýshy jáne az damyǵan elderden shyǵarylatyn taýarlarǵa qatysty qoldanylatyn ereje zańmen bekitilmek
ASTANA. Jeltoqsannyń 28-i. QazAqparat /Aıdyn Báımen/ - Úkimet «Taýarlardyń damýshy jáne az damyǵan elderden shyǵarylǵanyn aıqyndaý erejesi týraly kelisimdi ratıfıkatsııalaý týraly» zań jobasyn Májiliske usyndy,
dep habarlaıdy QazAqparat.
2008 jyly jeltoqsannyń 12-sinde Máskeý qalasynda ótken otyrys sheńberinde 2008 jylǵy qańtardyń 25-indegi Taýarlardyń shyǵarylǵan elin aıqyndaýdyń biryńǵaı erejesi týraly kelisimniń 1-babyn iske asyrýǵa baǵyttalǵan jáne ózara paıda men halyqaralyq quqyq negizinde saýdany damytýǵa qolaıly jaǵdaı jasaý úshin Taýarlardyń damýshy jáne az damyǵan elderden shyǵarylǵanyn aıqyndaý erejesi týraly kelisimge qol qoıyldy.
Kelisimniń 1-babynda Taraptar memleketteriniń biryńǵaı kedendik aýmaǵynda damýshy jáne az damyǵan elderden shyǵarylatyn taýarlarǵa qatysty osy Kelisimniń ajyramas bóligin quraıtyn qosymshaǵa sáıkes Taýarlardyń damýshy jáne az damyǵan elderden shyǵarylǵanyn aıqyndaý erejesi qoldanylatyndyǵy belgilengen.
Atalǵan kelisim «Qazaqstan Respýblıkasynyń halyqaralyq sharttary týraly» elimizdiń zańyna sáıkes ratıfıkatsııalaýǵa jatady.
Bul zań jobasy boıynsha Májilistiń Halyqaralyq ister, qorǵanys jáne qaýipsizdik komıteti jumys tobyn qurady jáne qorytyndy ázirleıtin bolady.
