Damýshy elderdegi qaryz daǵdarysy turaqty damýǵa qaýip tóndirýde -BUU

ASTANA. QazAqparat - 2019-2020 jyldary júzden astam damýshy eldegi JІÓ-ge qatysty memlekettik qaryz deńgeıi ósken jáne bul shamamen 2 trln dollarǵa teń. Birikken Ulttar Uıymynyń Saýda jáne damý jónindegi konferentsııasynyń (ıÝNKTAD) bas hatshysy Rebeka Grınspan osyndaı málimet keltirdi, dep habarlaıdy QazAqparat BUU Jańalyqtary saıtyna silteme jasap.

«Bul kaskadty daǵdarys pen ósip kele jatqan teńsizdik jáne sozylmaly turaqsyzdyq aıasynda ótip jatyr. Koronavırýs pandemııasy, klımattyń ózgerýi jáne kedeılik pen ashtyq kórsetkishi jyldam ósýde. Damýshy elderdegi Turaqty damý maqsattaryn qarjylandyrýdaǵy olqylyqtar keńeıip, Jahandyq ońtústiktegi kóptegen elder úshin qaryz aýyrtpalyǵy turaqsyz bolyp barady». - dedi Grınspen konferentsııa barysynda.

Birqatar jaǵymsyz faktorǵa qaramastan, júıeli qaryz daǵdarysynyń qaýpi tómen bolyp kórinýi múmkin. 2021 jyldyń sońynda Qytaıdy eseptemegende damýshy elderdiń memlekettik qaryzy 11,5 trln dollardy qurady.

Halyqaralyq valıýta qorynyń málimetinshe, problemasy bar memleketterdiń qaryzy osy somanyń shamamen 13 paıyzyn quraıdy.

«Sońǵy jyldary kóptegen elder COVID-19 pandemııasyna, klımattyń ózgerýi saldaryna jáne ómir súrýdiń joǵary quny daǵdarysyna deıingi eki onjyldyq progresti joǵaltty. Osylaısha, biz álemdegi jaǵdaıdyń qolaısyz damý múmkindigin joqqa shyǵara almaımyz», - dedi Grınspen.

Onyń aıtýynsha, damýshy elderdegi qaryz daǵdarysy turaqty damýǵa qaýip tóndiredi, biraq qaryz 2030 jylǵa deıingi kún tártibine qol jetkizýge jáne qazirgi álem óte qajet bolǵan klımattyń ózgerýine beıimdelýge kedergi bolmaýy tıis.

Foto: D. Dıkınson