Damumed qosymsha jazylǵan málimetke qatysty: Bul tehnıkalyq qatelik emes
«Bul tehnıkalyq qatelik emes. Damumed mobıldik qosymshasy turǵyndar men densaýlyq saqtaý júıesi arasyndaǵy baılanys tetigi retinde daıyndaldy, ıaǵnı klınıkalarmen ári dárigerlermen baılanys ornatý úshin quryldy. Dáriger tarapynan medıtsınalyq aqparattyq júıege engizilgen málimetter mobıldi qosymshada kórinedi. Alaıda barlyq medıtsına qyzmetkerleri kináli degen pikirmen kelispeımiz. Qazir jarııalanyp jatqar árbir oqıǵanyń ózindik sebebi bar», - dedi Natalıa Kıl.
Onyń sózine qaraǵanda, patsıentter tarapynan túsinispeýshilik jaǵdaılary bar.
«Feık jaǵdaılary da kezdesedi. Degenmen, Áleýmettik medıtsınalyq saqtandyrý qory jarııalaǵandaı, málimetterdi qosyp jazýdyń dáleldengen oqıǵalary da bar. Sondyqtan ár jaǵdaı tekserýdi talap etedi jáne osy ispen medıtsınalyq kómekti kórsetý tártibiniń oryndalýyna jaýapty adamdar aınalysýy kerek. Osy jaǵdaıda biz senimdi tarap retinde shyǵamyz, ıaǵnı qoǵamdyq baqylaý tetigi retinde. Bul óz kezeginde tsıfrlandyrýdyń nátıjesi. Osyndaı ashyqtyq qoǵamdaǵy barlyq protsester úshin standart bolýy kerek», - dedi ol.
Budan buryn habarlanǵandaı, QR Densaýlyq saqtaý mınıstrliginiń resmı ókili Baǵdat Qojahmetov Damumed tóńiregindegi daýǵa túsinikteme berdi.