Damumed-ke jalǵan derekterdi tirkeýge qatysty qandaı shara qoldanýǵa bolady - sarapshy
«Densaýlyq saqtaý mınıstrliginiń statıstıkalyq málimetterine sáıkes, ótken jyly halyqqa ambýlatorııalyq-emhanalyq sektor deńgeıinde 99 mıllıon qyzmet kórsetilgen. Medıtsınalyq saqtandyrý qory qansha qyzmetker, qansha kúshi bolsa da munyń bárin basqara almaıdy. Árıne, bul úshin belgili bir tehnıkalyq sheshimder bar», - deıdi Ekonomıka jáne densaýlyq saqtaýdy qarjylandyrý máseleleri jónindegi sarapshy jáne konsýltant Marat Mamaev.
Onyń aıtýynsha, bul máselede aqparattyq júıeler iske kirisýi kerek.
«Medıtsınalyq kómektiń kólemi men sapasyn baqylaýdy odan ári kúsheıtý qajet dep sanaımyn. Qor buǵan belsendi túrde atsalysýda. Bul Qazaqstanda ǵana bar másele emes. Mundaı másele barlyq memlekette bar jáne ár el onymen ártúrli jolmen kúresýde. Ekinshi jaǵynan, turǵyndar bul kómekti aldy ma, joq pa - soǵan nazar aýdara bastady. Halyq medıtsınalyq kómektiń kólemine monıtorıng júrgizýge de qatysýy kerek. Bul óte úlken áleýet», - deıdi ol.
Onyń aıtýynsha, ár toqsan saıyn azamattyq bıýdjetti (densaýlyq saqtaý salasy boıynsha) jarııalap, turǵyndarǵa baqylaýdy júzege asyrýǵa múmkindik beretin tehnıkalyq sheshimder qabyldaý qajet.
Eske sala ketsek, Damumed bas dırektory Natalıa Kıl áleýmettik jelide keńinen talqylanyp jatqan qosymsha jazylǵan málimetke qatysty jaǵdaıǵa túsinik berdi.
