Damýǵa resmı kómek týraly zań arqyly Qazaqstannyń syrtqy saıasaty jańa deńgeıge kóteriledi - M. Áshimbaev
ASTANA. QazAqparat - «Damýǵa resmı kómek týraly» zań jobasy arqyly Qazaqstannyń syrtqy saıasaty jańa deńgeıge kóteriledi. Búgin Májilistiń Halyqaralyq ister, qorǵanys jáne qaýipsizdik komıtetinde Qazaqstannyń basqa memleketterdiń damýyna resmı kómek kórsetý týraly dóńgelek ústelde jıynǵa jetekshilik etken komıtet tóraǵasy Máýlen Áshimbaev osylaı málim etti.
Depýtattyń aıtýynsha, «Damýǵa resmı kómek týraly» zań jobasy Qazaqstan úshin ásirese syrtqy saıasatty júzege asyrý turǵysynan asa mańyzdy qujat bolyp tabylady. «Jalpy, «Damýǵa resmı kómek týraly» zańdy qabyldaýdyń ózi elimizdiń tarıhyndaǵy aıtýly oqıǵaǵa jatatyn edi. Óıtkeni, bul qujat negizinen qazaqstandyq syrtqy saıasattyń jańa deńgeıge shyqqanyn ańǵartady», - dedi Máýlen Áshimbaev.
Bul rette depýtat sońǵy jyldary Qazaqstannyń halyqaralyq jobalarǵa belsendi qatysyp otyrǵanyn aıtyp, elimizdiń óńirlik, halyqaralyq jáne jahandyq bastamalary álemdik qaýymdastyq tarapynan qoldaý taýyp otyrǵanyn jetkizdi.
«Jalpy, basqa memleketterge damý úshin resmı kómek kórsetý eń aldymen elimizdiń ımıdjin kóterýge septigin tıgizedi. Al zań jobasy aıasynda biz osy maqsatta jumys isteıtin arnaıy agenttikti qurýdy qarastyramyz. ıAǵnı, Qazaqstannyń basqa memleketterdiń damýyna resmı kómek kórsetýimen aınalysatyn arnaıy mamandandyrylǵan operatory qurylatyn bolady», - dedi M. Áshimbaev.
