Damý josparyn oryndamaǵan ulttyq kompanııa basshysy jaýapkershilikke tartylady
NUR-SULTAN. QazAqparat – Elimizdegi ulttyq kompanııalardyń qyzmetine saraptama júrgiziledi. Bul týraly Úkimet úıinde ótken brıfıngide QR Premer-Mınıstriniń birinshi orynbasary Álıhan Smaıylov aıtty, dep habarlaıdy QazAqparat tilshisi.
«Prezıdent kvazımemlekettik sektordyń jekelegen sýbektileriniń jumsalǵan shyǵyndy aqtamaý problemasyn sheshý boıynsha tapsyrma júktedi. Bul baǵytta Esep komıtetimen birge árbir ulttyq kompanııa men memlekettik kásiporyn qyzmetine qajetti saraptama júrgiziledi. Buǵan qosa, kvazımemlekettik sektordaǵy kompanııalardyń birinshi basshylaryna damý josparyndaǵy kórsetkishterge qol jetkizbegeni, sonymen qatar shyǵynǵa jol bergeni úshin normatıvtik turǵyda jaýapkershilik qarastyrý usynylyp otyr», - dedi Álıhan Smaıylov.
Birinshi vıtse-premer qarjy ınstıtýttarynda buǵattalǵan kepildik aktıvterdi ekonomıkalyq aınalymǵa qaıtarý týraly zań jobasy ázirlenetindigin de aıtty.
