Damý kýbogynda Qazaqstan jasóspirimder quramasy kúmis júldeger boldy

ASTANA. QazAqparat - Fýtboldan 17 jasqa deıingi Qazaqstan jasóspirimder quramasy Damý kýbogynda kúmis medal aldy, dep habarlaıdy QazAqparat tilshisi.

Qazaqstandyq fýtbolshylar fınalda Reseıdiń 17 jasqa deıingi jasóspirimder quramasymen kezdesti.

Oıyn barysynda reseılik quramadan Vadım Pastýshkov 2, Ivan Bober 68, Egor Sysoev 73-mınýtta gol soqsa, Іlııas Ábil 9-mınýtta bir golmen jaýap qaıyrdy. Bul -Іlııastyń týrnırde soqqan úshinshi goly.

Osylaısha qazaqstandyq fýtbolshylar qarsylasyna 1:3 esebimen jold berip, týrnırdiń kúmis medalin qanaǵat tutty.

Aıta ketsek, qazaqstandyq fýtbolshylar buǵan deıingi eki kezdesýinde Ózbekstandy 3:0, Reseıdiń 16 jasqa deıingi jasóspirimder quramasyn 1:0, Belarýsti 1:0 esebimen jeńdi.

Qazaqstan jasóspirimder quramasy Damý kýbogy oıyndaryna buǵan deıin 2014, 2018, 2021 jyldarda qatysty.

2021 jyly fınalda Tájikstan jasóspirimder quramasyna jol berip, kúmis júldeni qanaǵat tutty.