Damý kýbogynda Qazaqstan jastar quramasy qolaǵa talasady

ASTANA. KAZINFORM – Fýtboldan 17 jasqa deıingi Qazaqstan jasóspirimder quramasy Belarýs astanasy Mınsk qalasynda ótip jatqan Damý kýbogynda ekinshi jeńisine qol jetkizdi. 

Bul kezdesýde qazaqstandyq fýtbolshylar Tájikstanmen sheberlik baıqasty. Match barysynda olar jınaqy oıyn órnegin kórsetti. Qazaqstan aıaqdopshylarynyń qatarynan Ánýar Tólendi, Islam Raqym jáne Roman Chernomorets mergendigimen kózge tústi. Oǵan tájikstandyq fýtbolshylar bir golmen jaýap qaıyrdy. Osylaısha Qazaqstan jastar quramasy qarsylasynan 3:1 esebimen basym tústi.

Otandastarymyz alǵashqy kezdesýde Mınsk quramasyn 3:1 esebimen tize búktirse, odan keıin Belarýs U-17 quramasyna 0:2 esebimen jol berdi. 

Jarysqa 8 qurama qatysyp jatyr. Olardyń qatarynda Qazaqstan, Belarýs, Tájikstan, Reseı, Ázerbaıjan, Ózbekstan men Mınsk quramalary bar.

Olar aldymen eki topta baq synaıdy. A tobynda Qazaqstan, Belarýs, Tájikstan jáne Mınsk quramasy bar. Al Belarýs U16, Ózbekstan, Ázerbaıjan jáne Reseı V tobynda baq synap jatyr. 

Aǵa bapker Baýyrjan Saǵyndyq oqý-jattyǵý jıynyna shaqyrtý alǵan oıynshylardyń tizimin jarııalady:

Qaqpashylar: Nıkıta Kıldjıev, Álıhan Shaızada (ekeýi de – «Shahter»), Batyrhan Serikbaı («Jas Qyran»), Kamıl Gaınýllın («Qaırat»);

Qorǵaýshylar: Jánibek Jaılaýbek, Danıl Zolkın, Meıirlan Baltabaev (bári – «Shahter»), Islam Raqym, Marlen Ámirenov, Mansýr Avashanov, Álfır Hanafı, Ábdı Álıhan (bári – «Qaırat»), Dinmuhammed Daırabaı («Jas Qyran»), Nuraly Azatqazy (klýbsyz);

Jartylaı qorǵaýshylar: Álıhan Jumabek, Damır ıÝsýpbekov (ekeýi de – «Qaırat»), Rınat Beıbitov, Akbar Sádenov (ekeýi de – «Aqtóbe»), Sháriphan Sháripjan (klýbsyz);

Shabýylshylar: Ánýar Tólendi (QFF Akademııasy), Rýstam Saıfımılıýkov, Dıgdar Omarov, Rasýl Ákimov (bári – «Shahter»), Abylaı Jylqaıdar, Roman Chernomorets, Dáýlet Orynbasar (bári – «Qaırat»), Rasýl Dosan («Atyraý»), Maǵzum Jolaman («Kaspıı»), Ibrahım Baýyrjan («Aqtóbe»).

Endi qazaqstandyq fýtbolshylar 23 aqpanda 3-oryn úshin saıysqa túsedi.