Damý kýbogynda Qazaqstan jasóspirimder quramasy qola júldesiz qaldy

ASTANA. KAZINFORM - Fýtboldan 17 jasqa deıingi Qazaqstan jasóspirimder quramasynyń Belarýs astanasy Mınsk qalasynda ótip jatqan Damý kýbogynda qaı oryn alǵany belgili boldy.

Qazaqstandyq fýtbolshylar 3-oryn úshin saıysta Ózbekstanmen sheberlik baıqasty.

Kezdesý barysynda qurama qarsylasynan eki gol aıyrmasymen alda turǵan edi. Ózbekstandyq jasóspirimder odan keıin qatarynan úsh gol soǵyp, jeńisti julyp alyp ketti.

Saldarynan Qazaqstan quramasy tórtinshi oryndy qanaǵat tutty.

Aıta ketsek, olar toptyq kezeńde Mınsk jáne Tájikstan quramalaryn 3:1 esebimen tize búktirip, taǵy bir kezdesýde Belarýs U-17 quramasyna 0:2 esebimen jol berdi.

Aǵa bapker Baýyrjan Saǵyndyq bul týrnırge tómendegi oıynshylardy alyp bardy.

Qaqpashylar: Nıkıta Kıldjıev, Álıhan Shaızada (ekeýi de – «Shahter»), Batyrhan Serikbaı («Jas Qyran»), Kamıl Gaınýllın («Qaırat»);

Qorǵaýshylar: Jánibek Jaılaýbek, Danıl Zolkın, Meıirlan Baltabaev (bári – «Shahter»), Islam Raqym, Marlen Ámirenov, Mansýr Avashanov, Álfır Hanafı, Ábdı Álıhan (bári – «Qaırat»), Dinmuhammed Daırabaı («Jas Qyran»), Nuraly Azatqazy (klýbsyz);

Jartylaı qorǵaýshylar: Álıhan Jumabek, Damır ıÝsýpbekov (ekeýi de – «Qaırat»), Rınat Beıbitov, Akbar Sádenov (ekeýi de – «Aqtóbe»), Sháriphan Sháripjan (klýbsyz);

Shabýylshylar: Ánýar Tólendi (QFF Akademııasy), Rýstam Saıfımılıýkov, Dıgdar Omarov, Rasýl Ákimov (bári – «Shahter»), Abylaı Jylqaıdar, Roman Chernomorets, Dáýlet Orynbasar (bári – «Qaırat»), Rasýl Dosan («Atyraý»), Maǵzum Jolaman («Kaspıı»), Ibrahım Baýyrjan («Aqtóbe»).

Osyǵan deıin Damý kýbogynda Qazaqstan jastar quramasy qolaǵa talasatyny týraly jazdyq.