«Damý» qorynda kadrlyq aýys-túıis boldy
Abdirahmanov Amantaı Asqaruly 1983 jyly týǵan. «Damý» qoryna taǵaıyndalǵanǵa deıin ekinshi deńgeıli bankter men IT-kompanııalarda jumys istegen. Ekinshi deńgeıli bankterde bıznes úderisti avtomattandyrý boıynsha tájirıbesi mol. Qazaqstanda, RF, Tájikstan men Ázerbaıjanda kóptegen jobalardy júzege asyrdy.
«Damý» qorynyń baspasóz qyzmetinen habarlaǵandaı, A. Ábdirahmanov Aqparattyq tehnologııalar departamenti men kepildendirý departamentin basqarady.
«Damý» qorynyń kadrlyq komıtetiniń sheshimimen fılıaldardyń jańa basshylary taǵaıyndaldy. Ábisheva Sáýle Qaıyrǵalıqyzy «Damý» qorynyń Aqmola oblysy boıynsha fılıalynyń dırektory bolyp taǵaıyndaldy.
Buǵan deıin Sáýle Qaıyrǵalıqyzy Astana q. boıynsha fılıal dırektorynyń orynbasary boldy. Fılıal dırektorynyń orynbasary bolǵanǵa deıin sýbsıdııalaý jáne kepildendirý boıynsha bas menedjer bolǵan. Bank júıesinde qyzmet etken.
Asqarov Azamat Ismaıluly Jambyl oblysy boıynsha óńirlik fılıal dırektory bolyp taǵaıyndaldy.
