«Damý» qory nelikten bıznesti tikeleı qarjylandyra almaıdy
«Damý» qory - bank emes, arnaıy qor. Biraq, mınıstrlik tikeleı banktermen jumys isteı almaıdy. «Damý» qory - osy baǵdarlamanyń operatory. Sondyqtan, kásipkerler nesıe alǵan kezde úshjaqty kelisimge qol qoıylady. Onyń ishinde bank te bar. Bankke ótinim túsken kezde ony bank «Damý» qoryna joldaıdy. Qor ol ótinimdi qoldaı ma, qoldamaı ma - ózi sheshim shyǵarady. Osy baǵdarlamanyń baǵyttary boıynsha sýbsıdııa nemese kepildik berý me - sheshimin qor beredi de, úshjaqty kelisimge qol qoıylady», - dedi QR Ulttyq ekonomıka vıtse-mınıstri Ermek Alpysov Úkimettiń baspasóz ortalyǵynda ótken brıfıng barysynda.
Bul suraqqa qatysty óz kezeginde «Báıterek» UBH» AQ basqarma tóraǵasy Aıdar Áriphanov ta pikir bildirdi.
«Báıterek» holdınginiń bolsyn, «Damý» qorynyń bolsyn - ekinshi deńgeıli banktermen básekege túsetin oıy joq. Holdıng te, qor da óz múmkindikterine qaraı báselese almaıdy. Kerisinshe, bizdiń mindet - kásipkerlerdi de, ekinshi deńgeıli bankterdi de qoldaý. Shynynda da, bazalyq stavka 9 paıyz bolsa, bankterdiń qoıatyn paıyzy 14-16 paıyz aralyǵynda bolady. Onyń ústine bizdiń «Damý» qory osy stavkanyń jartysyn «BJK-2020» baǵdarlamasy boıynsha sýbsıdııalaıdy», - deıdi Aıdar Áriphanov.
Al «Atameken» UKP basqarma tóraǵasynyń orynbasary Eldar Jumaǵazıevtiń aıtýynsha, bankter usynǵan paıyzdyq stavkany kez kelgen kásipkerdiń qaltasy kótere bermeıdi.
«Belgili bir kásipker memlekettik baǵdarlama arqyly nesıe alyp, kásibin ashqannan keıin 1-2 jyldan soń órleýi kerek qoı. Biraq, osy kezde onyń aldynda qandaı qıyndyq kezdesýi múmkin? Salyq jaǵynan máselesi joq pa? Osyndaı máselelerdi sheshý úshin óz jumysymyzdyń deńgeıin kótersek deımiz. Ulttyq ekonomıka mınıstrligimen jalpy túsinistik bar. ıAǵnı, kásipkerdiń damýyna kómektesetin quraldardy izdeý kerek. Kásipkerge kórsetiletin qyzmetterdiń orny ózara aýysa ma, joq pa degen suraq qoıylyp jatyr. Bul rette bank degen - naryqtyq qural. Naryqtyq quraldarǵa berilip jatqan paıyzdyq mólsher - 16-25 paıyz. Ony árbir kásipkerdiń qaltasy kótermeıdi. Memlekettik baǵdarlamanyń keregi de sol. Máselen, bank 16 paıyzben nesıe beretin bolsa, onyń 10 paıyzy - «Damý» qorynyń sýbsıdııasy. 6 paıyz da úlken kómek. Bul quraldardy jetildirý kerek. Keıbir oblystarda jetkilikti deńgeıde qarajat bólinse, keıbir oblystarǵa jetińkiremeı jatady. Suranys kóp», - deıdi Eldar Jumaǵazıev.
