«Damý» qory naqty qarjylandyrý arqyly bıyl 24 mlrd. teńge nesıe bermek
ASTANA. QazAqparat - «Damý» qory naqty qarjylandyrý arqyly bıyl 24 mlrd. teńge nesıe bermek. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Damý» kásipkerlikti damytý qory» AQ basqarmasynyń tóraǵasy Qýanysh Tileýshın málim etti.
«Biz aǵymdaǵy jyly naqty qarjylandyrý arqyly ǵana 24 mlrd. teńge kóleminde nesıe bóletin bolamyz. Bul baǵdarlamanyń basymdyǵy mynada biz jergilikti atqarýshy organdarmen birlesip, qarjy bólemiz. Máselen, Almaty qalasynyń ákimdigi 2 mlrd jáne «Damý» qory 2 mlrd. teńge bóledi. ıAǵnı, tek Almaty qalasyna ǵana 5-7 jyl merzimge 7 paıyzdyq stavkamen 4 mlrd. teńge bólinbek», - dedi Q.Tileýshın.
Onyń aıtýynsha, bul baǵdarlamanyń ereksheligi - jergilikti atqarýshy organdar qalaýynyń eskerilýinde.
«Birinshi kezekte basymdyq beriletin salaǵa basa nazar aýdarylatyn bolady. Máselen, Batys Qazaqstan oblysyn alatyn bolsaq, onda bul óńirdiń basshylyǵynyń qalaýymen biz oblystyń barlyq aýdandaryn qamtýǵa tıispiz. Mine, bul - baǵdarlamanyń basymdyǵy osy», - dedi basqarma tóraǵasy.
