«Damý» qory aýyl sharýashylyǵy ónimin óndirýshilerdiń nesıesine kepildik beredi

NUR-SULTAN. QazAqparat - «Damý» qory aýyl sharýashylyǵy ónimin óndirýshilerdiń nesıesine kepildik beredi. Bul týraly Úkimet otyrysynda «Atameken» ulttyq kásipkerler palatasynyń basqarma tóraǵasy Abylaı Myrzahmetov aıtty, dep habarlaıdy QazAqparat tilshisi.

«Qarapaıym zattar ekonomıkasy» baǵdarlamasy aıasynda 400 mlrd teńge óńdeý, ıaǵnı shıkizattyq emes salaǵa baǵyttalǵan. Oǵan kórsetkishi jaqsy, somasy 326 mlrd teńgeden asatyn jobalar qabyldanǵan. Atalǵan 400 mlrd teńge somanyń 81,6 paıyzyn quraıdy. Negizgi salalardyń barlyǵy qamtylǵan. Aýyl sharýashylyǵy salasyn aıtar bolsaq, oǵan 300 mlrd teńge bólingen. 139,9 mlrd teńgeniń jobalary qamtylǵan. 270 mlrd teńge aýyl sharýashylyǵy shıkizatyn óndirýge berilgen. Kórsetkish - 46,2 paıyz», - dedi Abylaı Myrzahmetov.

Onyń aıtýynsha, bul salaǵa nesıeniń 93 paıyzy «QazAgro» tarapynan beriledi.

Al ekinshi deńgeıli bankter kepildiktiń jetpeýine baılanysty nesıe berýde belsendilik tanytpaı otyr.

«Jalpy, baǵdarlamaǵa 7 márte júıeli ózgertýler engizilip, onyń oń damýyna barlyq jaǵdaı jasaldy. Joǵaryda kepildik berý problema bolǵanyn aıtqan edik. Sizdiń tapsyrmańyzben endi «Damý» qory kepildik beretin bolyp otyr. ıAǵnı, kelisim boıynsha 1 mlrd teńgege deıingi nesıege «Damý» qory kepildik beredi. Al 1 mlrd teńgeden joǵary jobalarǵa somanyń 50 paıyzyna deıingi kepildikti de «Damý» qory usynady. Mundaı jaıt ekinshi deńgeıli bankterdiń aýyl sharýashylyǵy salasyna nesıe berýin jandandyrady dep oılaımyn», - dedi ol.