«Damý» Qory tsıfrlyq teńgemen alǵashqy nesıe berdi
ASTANA. KAZINFORM — «Damý» kásipkerlikti damytý qory Qazaqstan Ulttyq bankiniń qoldaýymen «Órleý» baǵdarlamasy boıynsha alǵashqy jeńildetilgen nesıeni jylyna 12,6%-ben Halyk Bank arqyly berdi. Bul týraly qordyń baspasóz qyzmeti málim etti.
Tsıfrlyq teńgeni paıdalanǵan tuńǵysh klıent — pavlodarlyq kásipker Vıtalıı Kremberg. Onyń jobasy úı janýarlarynyń túbegine gıgıenalyq toltyrǵysh retinde qoldanylatyn túıirshik/absorbent shyǵaratyn kásipornyn salý, sondaı-aq qurylys, aýyl sharýashylyǵyna jáne ekologııalyq maqsattardy (mysaly, janar-jaǵarmaı tógilgen apattyń saldaryn joıý) kózdeıdi.
Bızneske jańashyl kózqarastaǵy bul kásipker zamanaýı tehnologııalardy qoldana otyryp óndiristi damytý úshin sony ónim — tsıfrlyq teńge nesıesin tańdady.
Jańa qarjylyq qural bıznes úshin yńǵaıly.
Artyqshylyqtary:
✔️ Onlaın rásimdeý;
✔️ Ótinim jyldam qaralyp, qarajat tez túsedi;
✔️ Memlekettik baǵdarlamalardyń sharttary jarııaly túrde oryndalady;
✔️ Salyq tekserisi bolmaıdy. Bul — ákimshilik jáne qarjylyq kidirister týǵyzbaıdy;
✔️ QQS qaıtarý merzimi 55-75-ten 15 jumys kúnine deıin qysqarady.
Tartylǵan ınvestıtsııa somasy jylyna 12,6%-ben 7 jyl merzimge 250 mln teńgeni quraıdy. Qarajatqa klıent jer ýchaskesi men jabdyq satyp alyp, óndiris ǵımaratyn salýdy josparlap otyr. Birinshi jyly 10-ǵa jýyq jumys ornyn ashý josparlanǵan. Óndiris jylyna 1200-1400 tonna ónim shyǵarady degen boljam bar.
Nesıe «Damý» Qory men Halyk bank arasynda «Órleý» baǵdarlamasy aıasynda, tsıfrlyq teńgemen berildi. Tsıfrlyq teńge — Qazaqstannyń ulttyq valıýtasynyń tek qana Ulttyq bank shyǵaratyn elektrondyq nusqasy.
— «Órleý» baǵdarlamasyna qatysý úshin kásipkerler Qordyń seriktesi — ekinshi deńgeıli bankterge júginýi qajet. Qazir Halyk bank, TsentrKredıt Bank, Forte Bank, Bereke bank, Eýrazııalyq bank, Freedom Bank, Nurbank, RBK Bank, KZI bank ótinim qabyldaıdy. Sonymen qatar, baǵdarlamaǵa qatysýshylar Qordyń kepildigin de paıdalana alady, — delingen habarlamada.
Baǵdarlamanyń sharttary, sondaı-aq óńirlik fılıaldardyń mekenjaı, derekteri jaıly aqparatty 1408 nómirli sall-ortalyqtan nemese www.damu.kz. saıty arqyly alýǵa da bolady.
Aıta keteıik, tsıfrlyq teńgege ulttyq valıýta mártebesi beriledi.