Damır Jalǵasbaı US Open-2026 týrnıriniń jartylaı fınalyna shyqty
ASTANA. KAZINFORM — Qazaqstannyń jasóspirimder arasyndaǵy ekinshi raketkasy Damır Jalǵasbaı 2026 jylǵy jasóspirimder arasyndaǵy AQSh ashyq chempıonatynyń shırek fınalynda jeńiske jetti, dep habarlaıdy QTF baspasóz qyzmeti.
Qazaqstandyq tennısshi US Open týrnırinde amerıkalyq Safır Azammen juptasyp óner kórsetýde. Shırek fınalda olarǵa pýertorıkalyq ıAnnık Alvares pen AQSh ókili Raıan Kozad qarsy turdy.
Match chempıondyq taı-breıkte sheshildi. Jalǵasbaı men Azam 6:3, 6:7 (14:16), 10:6 esebimen jeńiske jetti.
Tennısshiler kortta 1 saǵat 22 mınýt ótkizdi. Osy ýaqyt ishinde qazaqstandyq sportshy men onyń seriktesi bes eıs jasap, tórt qosarlanǵan qatelikke jol berdi jáne alty breık-poınttyń úsheýin sátti paıdalandy.
Jartylaı fınalda Jalǵasbaı men Azam amerıkalyq Tanıshka Kondýrı men Marsel Latak dýeti jáne týrnırdiń birinshi nómirli juby – brazılııalyq Gýto Mıgel men slovenııalyq Zıga Sheshko arasyndaǵy matchtyń jeńimpazdarymen kezdesedi.
Buǵan deıin Elena Rybakına US Open-2026 fınalyna shyqqanyn jazǵan edik.
