Damır Jalǵasbaı Astanadaǵy chellendjer jarysyn jeńispen bastady
ASTANA. KAZINFORM — Qazaqstandyq tennısshi, 18 jastaǵy Damır Jalǵasbaı Astana chellendjer týrnıri irikteý saıysynyń fınalyna shyqty.
D.Jalǵasbaı irikteýdiń jartylaı fınalynda álemniń 672-raketkasy, ýkraınalyq, 33 jastaǵy ıÝrıı Djavakıannyń mysyn basty – 6:4, 6:3.
Damır Jalǵasbaı irikteý saıysynyń fınalynda Soltústik Marıana araldarynyń ókili Kolın Sınkler nemese reseılik Alıbek Kachmazovtyń qaı jeńgenimen kezdesedi.
Basqa qazaqstandyq tennısshiler Danıal Rahmatýllaev, Danıel Tazabekov jáne Erasyl Erdildá irikteý saıysynan óte almady.
D.Jalǵasbaı búgin bir kúnde úsh kezdesý ótkizdi. Aldymen jekeleı synda Astana World Tennis Tour M15 Asu Open týrnıriniń fınalynda japonııalyq Sıýnsýke Mıtsýıge ese jiberdi.
Sonymen qatar Damır Jalǵasbaı Danıal Rahmatýllaevpen birge juptyq synda sońǵy básekede Belarýs ókili Martın Borısıýk – úndistandyq Karan Sınghpen bas júldeni sarapqa saldy.
Bul matchta qazaqstandyq jup ózderiniń tájirıbeli qarsylastarynan utylyp qaldy – 3:6, 2:6.
Áıelder arasynda World Tennis Tour W15 Asu Open dodasynyń fınalynda Asyljan Arystanbekova – Іńkár Dúısebaı týrnırdiń 1-raketkalary, ońtústikkoreıalyqtar Hırae Im – Eýnsshae Kımmen kortqa shyqty.
Birinshi partııada qazaqstandyq jup 4:1 esebimen alǵa shyqqanymen, sol basymdylyqtaryn saqtap tura almady – 5:7. Ekinshi set te ońtústikkoreıalyqtardyń enshisinde ketti – 6:3.
Osylaısha, D.Jalǵasbaı – D.Rahmatýllaev jáne І.Dúısebaı – A.Arystanbekova juby ekinshi ret qatarynan Astana týrnıriniń fınalyna shyqqanymen, tıtýlǵa qol jetkize almady.
Eske sala keteıik, budan buryn Sonıa Jıenbaevanyń Ispanııadaǵy týrnırde chempıon atanǵanyn jazǵan edik.
Sondaı-aq Asyljan Arystanbekova Astana týrnıriniń jeńimpazy atandy.
