Damır Ysmaǵulov UFC-degi tórtinshi jekpe-jeginde jeńiske jetti
NUR-SULTAN. QazAqparat – Qazaqstandyq faıter Damır Ysmaǵulov (19-1) UFC-degi óziniń tórtinshi jekpe-jegin ótkizdi, dep habarlaıdy QazAqparat Sports.kz-ke silteme jasap.
Ol Las-Vegasta (AQSh, Nevada shtaty) UFC Fight Night 188 týrınrinde óner kórsetti. Onda brazılııalyq Rafael Alvespen (19-9) judyryqtasty. Jeńil salmaqtaǵy aıqas úsh raýndqa eseptelgen. Bul jekpe-jek tóreshilerdiń biraýyzdan sheshimimen Ysmaǵlovtyń jeńisimen aıaqtaldy. Alaıda, qazaq sportshysy birinshi raýndta nokdaýnǵa túsip qaldy.
Osylaısha, Damır Ysmaǵlov óziniń kásibı mansabyndaǵy mereıtoılyq jıyrmasynshy jeńisine qol jetkizdi, al Rafael Alves onynshy ret jeńiliske ushyrady. Aıta keteıik, Ysmaǵlov úshin bul – UFC-degi tórtinshi jekpe-jegindegi tórtinshi jeńis. Qazaqstandyq óziniń eń iri promoýterlik debıýtin 2018 jyldyń jeltoqsanynda jasady.
