Damır Ysmaǵulov UFC-de taǵy jeńilip qaldy
ASTANA. QazAqparat – Etnıkalyq qazaq Damır Ismaǵulov (24-2) Las-Vegasta (AQSh) aralas jekpe-jekten ótken UFC on ESPN 48 týrnırine qatysty, dep habarlaıdy QazAqparat Sports.kz portalyna silteme jasap.
Týrnırdiń negizgi aıqastarynyń birinde Ismaǵulov amerıkalyq faıter Grant Doýsonmen (19-1-1) judyryqtasyp, tóreshilerdiń biraýyzdan qabyldaǵan sheshimimen utylyp qaldy.
Osylaısha, Grant Doýson kásipqoı mansabyndaǵy jıyrmasynshy jeńisine qol jetkizse, Ismaǵulov kásipqoı MMA-da úshinshi ret jyǵyldy.
D.Ismaǵulovtyń UFC-degi jekpe-jekterine keletin bolsaq, bul onyń promoýshendegi jetinshi kezdesýi boldy: qazir sportshynyń qorjynynda bes jeńis pen eki jeńilis bar. Doýson UFC-de toǵyz jekpe-jek ótkizgen: onyń segizinde jeńiske jetken jáne bir ret teń túsken.
