Damır Suraǵanov: Bilim berý sapasyn jaqsartý – qazirgi tańdaǵy eń ózekti másele
«Biz, pedagog mamandar Memleket basshysynyń Joldaýyn jyl saıyn asyǵa kútemiz. Bıylǵy jylǵy Joldaýda da erekshe qushtarlyqpen tyńdadyq. Sebebi, Qasym-Jomart Kemeluly halyqtyń sanasynda júrgen barlyq máselelerdiń sheshimin kórsete aldy. Memleket basshysy bilim salasyna erekshe nazar aýdardy. Óıtkeni, bilim berý sapasyn jaqsartý – qazirgi tańdaǵy eń ózekti máselelerdiń biri ekendigi bárimizge aıan.
Prezıdenttiń: «Qazaq tiliniń memlekettik qyzmeti kúsheıedi, ulttyq qor bolashaq urpaq úshin jumsalýy qajet», – degen qundy pikirlerin Joldaýdyń basty basymdyqtary retinde tanımyz. Táýelsizdiktiń 30 jyldyǵy, Ál-Farabı, uly Abaıdyń mereıtoılaryn atap ótý arqyly ulttyq qundylyqtardyń dáriptelýi de otanshyldyq ıdeıasynyń mańyzdylyǵyn arttyra túsedi degen oıdamyz. Osy oraıda, qazaq tili men ádebıeti pániniń muǵalimi retinde bul aıtýly mereıtoılardy atap ótý arqyly oqýshylardyń boıynda ulttyq ıdeologııany darytý bizdiń basty mindetterimizdiń biri», - deıdi Damır Suraǵanov.
Sonymen qatar, ol Prezıdent tamyz konferentsııasynda aldaǵy tórt jyl ishinde muǵalimderdiń eńbekaqysyn eki ese arttyrýdy taǵy da eske saldy. Bul – kelesi jyldan bastap ustazdardyń jalaqysy 25 paıyzǵa ósedi degen sóz. Bul jaǵymdy jańalyq muǵalimder tarapynan qyzý qoldaý taýyp qana qoımaı, sonymen qatar, ustazdar qaýymyna jańa mindetter júkteıdi.
«Memleket basshysy Qasym-Jomart Toqaev óziniń Joldaýynda bilim sapasyn jaqsartýǵa basymdyqpen kóńil bólýdi tapsyrdy. Rasynda da, sońǵy kezderdegi derekterge súıensek, mektep bitirip shyqqan túlekterdiń kóbi joǵary oqý ornyna túse bermeıdi. Іzinshe jumyssyzdar sanatyn tolyqtyrady. Respýblıkamyzda otandyq óndiristi damytatyn tulǵa – jastar. Sol sebepti ónerkásip salasy mamandaryna elde suranys kóbeıip keledi. Sondyqtan, jastarymyz keleshekte básekege qabiletti, zaman talabymen úılesimdi is tańdaýy úshin kásiptik baǵdar jumysyn mektep qabyrǵasynan bastaǵanymyz abzal. ıAǵnı, osy sala mamandary shet elden tartylmas úshin qazaqstandyq joǵary oqý oryndary men arnaıy tehnıkalyq kolledjder oqýǵa qabiletti, tehnıkaǵa beıimdi talapkerdi ózderi grantpen oqytqany durys. Bizdiń Şýchınsk qalalyq №7 mektep-lıtseıi túlekteriniń de basym bóligi jyl saıyn ýnıversıtetke, ınstıtýtqa grantpen qabyldanyp jatady. Al, ónerkásip salasy mamandyqtary boıynsha grant kóbeıse, tipi jaqsy bolar edi», dep túıindedi Damır Suraǵanov.
