Damır Ryspaev «Barysqa» qaıtyp keldi
ASTANA. QazAqparat - Elordanyń «Barys» hokkeı klýby maýsymnyń sońyna deıin Damır Ryspaevpen ekijaqty kelisimshartqa otyrdy, dep habarlaıdy QazAqparat komandanyń baspasóz qyzmetine silteme jasap.
Ryspaevpen birge «Barysqa» Konstantın Savenkov pen Ivan Kýchın barmaq.
Aıta keterligi, Damır Ryspaevqa keshegi kúnnen bastap Qurlyqtyq hokkeı lıgasyna qatysýǵa ruqsat berilgen. Odan buryn Qurlyqtyq hokkeı lıgasy men Reseı hokkeı federatsııasynyń birlesken tártiptik palatasy hokkeı sańlaǵy Ryspaevqa Reseıde ótetin týrnırlerge qatysýǵa ruqsat bergen bolatyn. Alaıda QHL-da Ryspaevtyń oıynǵa qatysý-qatyspaýy máselesi basy ashyq kúıinde qalyp kelgen edi.
Osylaısha, Qazaqstan Przıdenti kýbogy úshin ótken «Barys» - «Kýnlýn» arasyndaǵy matchtan keıin sportshyǵa berilgen merzimsiz shetteý (dıskvalıfıkatsııa) alynyp tastaldy. Dál sol matchta Ryspaevtyń qatysýymen muz aıdynynda tóbeles bolyp, osy sebepti qytaılyq komanda oıyndy jalǵastyrýdan bas tartqan bolatyn.
