Damır Qojahmetov QR kólik vıtse-mınıstri boldy
ASTANA. KAZINFORM — Qazaqstan Respýblıkasy Úkimetiniń Qaýlysymen Damır Maratuly Qojahmetov kólik vıtse-mınıstri qyzmetine taǵaıyndaldy, dep habarlaıdy mınıstrliktiń baspasóz qyzmeti.
1989 jyly Ońtústik Qazaqstan oblysynda dúnıege kelgen. Kýala-Lýmpýr qalasyndaǵy Azııa-Tynyq muhıty aqparattyq tehnologııalar ınstıtýtyn, ál-Farabı atyndaǵy Qazaq ulttyq ýnıversıtetin, Logıstıka jáne kólik koroldik ınstıtýtyn bitirgen.
Eńbek jolyn 2011 jyly IT-sektorda bastaǵan. Odan keıingi jyldarda jekemenshik kompanııalarda basshylyq qyzmetter atqaryp, munaıgaz, agroónerkásip, energetıka jáne ózge de salalarda tehnologııalyq baǵytardy damytý, ınnovatsııalyq ónimderdi óndiriske qosý jáne operatsııalyq tıimdilikti arttyrý salalaryna jaýap berdi.
2019–2020 jyldary «QTJ» UK» AQ-da ınfraqurylymdyq jáne tsıfrlyq jobalardy júzege asyrýǵa jetekshilik etti.
2020–2023 jyldary «KTZ Express» AQ-da basshylyq qyzmette bolyp, kompanııanyń tsıfrlyq transformatsııa strategııasyn júzege asyrýǵa jáne ІT-fýnktsııasyn damytýǵa jaýap berdi.
2023 jyldyń qarashasynan bastap qazirgi ýaqytqa deıin «KTZ Express» AQ-nyń bas dırektory qyzmetin atqardy.
Osyǵan deıin Darhan Haırýllın SQO Memlekettik qyzmet isteri departamentin basqaratynyn jazǵan edik.
