Damır Ismaǵulovtyń qarsylasy jekpe-jekten bas tartty
ASTANA. QazAqparat - Jeńil salmaqtaǵy M-1 Global eks-chempıony Damır Ismaǵulov taıaýda UFC promoýshenmen kelisim jasap, Adelaıdta UFC Fight Night 142 týrnırinde Djozef Daffıge qarsy jekpe-jek ótkizýdi josparlaǵan bolatyn. Alaıda, ırlandyq jaraqat alyp, sharaǵa qatysýdan bas tartty, dep habarlaıdy Sports.kz.
Aýstralııadaǵy shoý 2 jeltoqsanda ótedi, sondyqtan UFC match uıymdastyrýshylary Ismaǵulovqa basqa qarsylas izdep jatyr.
Damır 16 qarashadan bastap UFC jekpe-jek sheberi sanalady. Ol qysqa ýaqyt ishinde qarsylasyn joǵaltyp úlgerdi. Mundaı jaǵdaılar aralas jekpe-jekte jıi bolyp turady. 27 jastaǵy Ismaǵulov kásibı mansabynda 27 ret jeńiske jetti. Onyń ishinde on shaqtysyn merziminen buryn jeńse, eki ret jeńilip qaldy.
