Damır Ismaǵulov UFC aıasyndaǵy ekinshi jeńisine qol jetkizdi

ASTANA. QazAqparat - Reseıde turatyn qazaq Damır Ismaǵulov UFC aıasynda - ekinshi jáne kásibı mansabynda 18-inshi jeńisine qol jetkizdi. Bul týraly «SPORTINFORM» SAA habarlady.

23 aqpan kúni Chehııanyń Praga qalasynda 145-shi UFC Fight Night týrnıri ótetinin habarlaǵan bolatynbyz. Onyń barysynda 27 jastaǵy Ismaǵulov ıspanııalyq Djoel Alvaresti tóreshilerdiń biraýyzdy sheshimimen jeńdi. Esep - 30:27.

Buǵan deıin Damır Ismaǵulov qazaqstandyqtardyń qoldaýy úshin alǵys bildirgen edi.

Aıta keteıik, Alvares buǵan deıin 15 aıqas ótkizgen, onyń tek bireýinde jeńilgen. Bul, onyń UFC Fight Night týrnırindegi alǵashqy jekpe-jegi.

Al Damır úshin UFC aıasyndaǵy ekinshi aıqas. Alǵashqy jekpe-jegin Aýstralııanyń Adelaıde qalasynda ótkizgen edi. Ol jeńilip kórmegen avstralııalyq, «Hıtmen» laqap atymen tanymal Aleks Djodjesten basym boldy. Tóreshilerdiń sheshimin estigen soń Ismaǵulov rıngke ózine jaqyn eki memlekettiń - Qazaqstan men Reseıdiń týlaryn alyp shyqty. Keshti tikeleı efırden «Qazsport» arnasy kórsetti.