Damır Ismaǵulov: Qazaqstandyqtardyń qoldaýyna rızamyn

ALMATY. QazAqparat - Chehııanyń Praga qalasynda 23 aqpanda 145-shi UFC Fight Night týrnıri ótedi. Bul jarysta Reseıde turatyn qazaq Damır Ismaǵulov baǵyn synamaq, dep habarlaıdy QazAqparat tilshisi.

Damır oktagonǵa (8 buryshty alańǵa) ıspanııalyq Hoel Alvarespen shyǵady.

Hoel Alvares buǵan deıin 15 aıqas ótkizgen. Onyń tek bireýinde ǵana jeńilgen. Ol UFC Fight Night týrnırine alǵash ret shyǵyp tur. Al, Damır osymen ekinshi ret kúsh synaspaq.

«Bul jolǵy qarsylasym - myqty greppler. Eger ol UFC ótse, jaqsy sportshy degen sóz. Ol osyǵan deıin barlyq jekpe-jegin mezgilinen buryn aıaqtaǵan», - dedi Damır.

Sondaı-aq, Damır Reseı men Qazaqstandaǵy jankúıerlerin alǵys bildirdi.

«Maǵan Reseı men týyp ósken jerim - Orynbor halqy jankúıer. Sondaı-aq, Qazaqstanda da jankúıerlerim kóp. Men tarıhtaǵy UFC-ta jeńiske jetken tuńǵysh qazaqpyn. Men olardyń qoldaýyna rızamyn», - dedi Damır.

Sportshylar búgin salmaq ólsheý rásiminen ótti.

Aıta ketý kerek, 27 jastaǵy Damır Ismaǵulov 70 kelige deıingi salmaqta baq synaıdy. Ol eń alǵashqy jekpe-jegin Aýstralııanyń Adelaıde qalasynda ótkizdi. Sol kezde ol sýdıalardyń sheshimimen Aleks Gordjesti jeńgen bolatyn.