Damyǵan kólik logıstıkasy bolmasa, kúshti eldiń ózi qurdymǵa ketedi – Memleket basshysy
ASTANA. KAZINFORM – Úkimet logıstıka salasyndaǵy jobalardyń sapaly ári ýaqtyly oryndalýyn qatań baqylaýǵa alady. Bul týraly Quryltaı otyrysynda "Jańa tarıhı kezeńdegi Qazaqstannyń ózekti mindetteri» atty Qazaqstan halqyna Joldaýyn jarııalap jatqan Prezıdent Qasym-Jomart Toqaev aıtty.
- Logıstıka ınfraqurylymyn damytýǵa basa mán berý qajet. Bul – elimizdiń ósip-órkendeýine yqpal etetin mańyzdy faktordyń biri. Qazirgi tańda logıstıka máselesimen barlyq elder aınalysýda. Damyǵan kólik logıstıkasy bolmasa, tipti, búgingi kúshti el erteń qurdymǵa ketedi, - dedi Qasym-Jomart Toqaev.
Prezıdent kelesi jyly elimizde «Baqty – Aıagóz» temirjol jelisi iske qosylatynyn aıtty.
- Jańa baǵyttyń arqasynda Qytaımen aradaǵy júk ótkizý múmkindigi 20 mıllıon tonnaǵa artady. Tamyz aıynda «Aral – Kaspıı» kúre jolynyń qurylysy bastaldy. Bul joba Transkaspıı dáliziniń qashyqtyǵyn shamamen 1 myń shaqyrymǵa qysqartyp, júk jetkizý merzimin úsh kúnge deıin azaıtady. Úkimet osy salada qolǵa alynǵan barlyq jobanyń sapaly ári ýaqtyly oryndalýyn qatań baqylaýǵa alady, - dedi Memleket basshysy.
Buǵan deıin Memleket basshysy el ómirindegi tarıhı ózgeristerdiń barlyǵy halyqtyń kóz aldynda bolyp jatqanyn aıtqan edi.
