Dámhanalar Ashyq júıesinen qandaı jaǵdaıda shyǵarylady

NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstrliginiń mamandary Ashyq jobasyna qatysýshy nysandardyń qalaı tekseriletindigin túsindirdi, dep habarlaıdy QazAqparat tilshisi.

Tsıfrlyq damý, ınnovatsııalar jáne aeroǵarysh ónerkásibi mınıstrliginiń tsıfrlyq sheshimder departamentiniń dırektory Bekbolat Moldabekovtiń aıtýynsha, meıramhana men dámhanalarda sanıtarlyq dárigerdiń qaýlysymen ujymdyq kezdesýlerge tyıym salynǵan. Osy talaptyń saqtalýyn ákimdikter janyndaǵy monıtorıngtik toptar qadaǵalaýy kerek.

«Osy toptar Ashyq jobasyna qatysýshy nysan talapty buzǵanyn anyqtasa, Tsıfrlyq damý, ınnovatsııalar jáne aeroǵarysh ónerkásibi mınıstrligine habar beredi. Mınıstrlik ol nysandy alǵashqy joly eki aptaǵa qosymshadan shyǵaryp, QR tańbasyn júıeden aıyrady. Osy kemshilik ekinshi ret qaıtalansa eki aıǵa júıeden shyǵarylady», - dedi mınıstrlik ókili.

Algorıtm boıynsha montorıng toptary dámhanalardyń talapty qanshalyqty saqtap jatqanyn 5 suraq boıynsha tekserýi kerek.

«Birinshiden, nysan ishindegi adamdardyń bári maska taǵýǵa mindetteledi. Ekinshiden, jumys isteý ýaqytyn buzbaýy kerek. Úshinshiden, bir ústelge 5-6 adamnan kóp otyrýǵa bolmaıdy. Tórtinshiden, nysan ishinde 30 paıyzdan artyq júktelim bolmaýy tıis nemese adam sany 50-den aspaýy qajet. Osy shekteýlerdi buzsa, ákimdik arqyly málimetti bizge anyqtama jiberedi», - dedi Bekbolat Moldabekov.

Vedomstvo ókili Ashyq jobasyna qatysýshylar arasynda jumysy kúdikti nysandar bar ekenin atap ótti.

«Qazir Ashyq jobasyna qatysýshy meıramhanalar men dámhanalardy baqylap jatyrmyz. Keıbirinde QR tańbany skanerleý óte az. Ózi úlken nysan bola tura kúnine 3-4 adam ǵana skanerden ótken. ıAǵnı ol durys jumys istemeı tur nemese kelýshilerdi skanerlemeı-aq kirgizip otyr degen sóz. Ondaı nysandarǵa jeke monıtorıng toptaryn jiberip jatyrmyz», - dedi departament dırektory.