Dámhanadaǵy jarylystan 6 adam ajal qushty
ASTANA. QazAqparat - Qytaıdyń Fýtszıan provıntsııasyndaǵy dámhanalardyń birinde jarylys bolyp, saldarynan 6 adam kóz jumdy. Taǵy 32 adam jaraqattandy, dep habarlaıdy RIA Novostı.
Oqıǵa Sıamyn (Sıamen) qalasyndaǵy kafelerdiń birinde oryn alǵan. Jergilikti BAQ-tyń habarlaýynsha, jarylys saldarynan ǵımarat túgeldeı qırap qalǵan. Jaraqat alǵan on adamnyń qazirgi sátte jaǵdaılary aýyr. Japa shekkenderdiń ishinde bes aılyq náreste de bar. Oqıǵa ornynda qutqarýshylar men medıtsına qyzmetkerleri jumys jasady.
Aldyn ala boljam boıynsha, apatqa gazdyń taralýy sebep bolǵan. Zardap shekken áıelderdiń biri qatty shyqqan gaz ıisin sezgen soń birneshe sekýndtan keıin jarylys bolǵanyn aıtady.
