Damaskte ál-Farabı atyndaǵy qazaq mádenı ortalyǵy bar (FOTO)

ÁBÝ-DABI - BEIRÝT. QazAqparat - Sırııada, elde bolyp jatqansoǵysqa qaramastan, ál-Farabı atyndaǵy qazaq mádenı ortalyǵy jáne dala danyshpanynyń qulpytasy saqtalǵan.

QazAqparat pen Sırııadaǵy QR konsýldyǵy Sırııa jerindegi qazaqstandyq nysandardyń jańa sýretterine qol jetkizdi.

Eske sala keteıik, 2008 jyly QR Úkimeti ál-Farabı atyndaǵy mádenı ortalyq pen onyń qabiriniń qurylysyna, sonymen birge Áz-Zahır Beıbarys sultannyń molasyn qalypqa keltirýge respýblıkalyq bıýdjetten 83,8 mln. teńge bólgen.

2011 jyly qalypqa keltirý jumystary aıaqtaldy. Alaıda Sırııadaǵy azamattyq soǵys bul nysandardyń ashylýy men jumys jasaýyna kedergi keltirdi. Atap ótken jón, mundaı nysandar álemniń ózge jerinde joq.

Myńdaǵan jyldar boıy Damask ıslam áleminiń ekonomıkalyq, mádenı jáne ǵylymı ortalyǵy bolyp eseptelgen. Ómiriniń sońǵy jyldaryn Áz-Zahır tyń osynda ótkizýi tegin emes.

Beıbarys sultan bul elde birinshi bolyp turaqty áskerdi, áskerı flotty, kedendi, asa joǵary deńgeıde jumys istegen barlaý qyzmetin quryp, ıslam ǵylymy, mádenıeti, ádebıeti jáne sáýletiniń órkendeýin qamtamasyz etti. Ol musylman álemin mońǵol shapqynshylyǵynan qutqaryp, ózge jaýlaýshylardyń da betin qaıtardy.

Uly qolbasshynyń qurmetine Damaskide Beıbarys sultannyń mektebin, kesenesin jáne kitaphanasyn biriktiretin keshen quryldy. Qazir munda sultan Beıbarys zamanyndaǵy Ulttyq kitaphana ornalasqan. Onda burynǵy zamanǵy adamdar men qazaq halqynyń tarıhyna arnalǵan shamamen 200 myńǵa jýyq qoljazba men kitap bar.