Damaskidegi terakt: jarylys mınıstrler keńesi barysynda boldy
ASTANA. 18 shilde. QazAqparat - Sırııanyń astanasynda kezekti iri terakt boldy. Jankeshti-sodyr ulttyq barlaý qyzmetiniń shtab-páterinde ózin-ózi jaryp jiberdi. Lańkestik akt týraly aqparatty Sırııanyń memlekettik telearnasy rastady, dep habarlady RBK.
Kelip túsken sońǵy málimetter boıynsha, ǵımaratta barlaý qyzmetiniń basshylary men mınıstrler kabıneti ókilderiniń kezdesýi ótip jatqan. Qaza bolǵandar men jaraqattanǵandardyń ishinde joǵary laýazymdy tulǵalar bar. Eldiń Qorǵanys mınıstri Daýda Rajdanyń qaza bolǵany týraly naqty belgili boldy.
Sonymen qatar búlikshiler habarlaǵandaı, olar prezıdenttiń saraıy ornalasqan aýdanǵa basyp kirgen. Olar málim etkendeı, tek sońǵy táýlikterde Damaskide úkimettiń 60 sarbazy ajal qushty, áskerı tikushaq atyp qulatyldy.
Bılik ókilderi óz kezeginde Damaskige basa kóktep kirgen sodyrlar oqshaýlanyp, qazirgi ýaqytta olardyń kózin joıý boıynsha operatsııa ótip jatqandyǵyn habarlady.
