Damaskidegi otandasymyz tórt balasymen Qazaqstanǵa kóshirildi

ÁBÝ-DABI. 8 jeltoqsan. QazAqparat - Beırýt (Lıvan) pen Ammanda (Iordanııa) ýaqytsha jumys istep jatqan Iordanııadaǵy QR elshiligi men Sırııadaǵy QR dıpmıssııasy soǵys jaılaǵan Sırııadan Qazaqstan azamattaryn eline qaıtarý jumystaryna járdemdesýdi jalǵastyryp keledi.

Dıplomattardyń habarlaýynsha, osy aptada Damaskiden Donova Tatıana atty qazaqstandyq tórt balasymen elge qaıtaryldy. Onyń sózine qaraǵanda, Sırııadaǵy jaǵdaı kúnnen kúnge asqynyp barady.

Arnaıy úkimettik baǵdarlamaǵa sáıkes, Sırııadaǵy QR azamattaryn otanyna qaıtarý boıynsha jan-jaqty jumystar júrgizilýde. Atap aıtsaq, otandastarymyzǵa, olardyń kóbisi sırııalyqtarǵa turmysqa shyqqqan áıelderge memleket esebinen elge qaıtýǵa bılet alynyp berdi. Sondaı-aq tıisti qujattardy daıyndaýǵa konsýldyq kómek te kórsetilýde.

Sırııadaǵy qarýly oppozıtsııa men úkimettik áskerıler arasyndaǵy aýqymdy shıelenis 2011 jyldyń naýryz aıynan beri jalǵasyp keledi. BUU málemeteri boıynsha, bul ýaqytta 100 myńnan astam adam qaza boldy.