Damaskidegi qarý-jaraq qoımasynda joıqyn jarylys boldy
ÁBÝ-DABI. 2 tamyz. QazAqparat - Sırııanyń ortalyq bóligindegi Homs provıntsııasynda qarý-jaraq saqtalatyn qoımadan shyqqan qatty jarylys saldarynan keminde jıyrma eki adam qaza tapty, dep habarlaıdy aımaqtyq BAQ.
«Ál-Arabııa» telearnasynyń habarlaýynsha, beısenbi kúni oppozıtsııalyq kúshter úkimet armııasynyń iri qarý-jaraq qoımasyn atqylaǵan. Sheteldik quqyq qorǵaýshylardyń málimetterine sáıkes, ázirge jıyrma eki adam qaza tapty degen aqparat bar. Olardyń ishinde azamattyq tulǵalar da kezdesedi, ondaǵan adam jaraqat aldy.
Arab BAQ ókilderiniń habarlaýynsha, lańkestik oqıǵasy búgin Sırııada atap ótilip jatqan eldiń Qorǵanys kúshteri kúnimen sáıkes kelip otyr. Kúnniń birinshi jartysynda el prezıdenti Bashar Asad Damaskiniń ońtústik qala mańyndaǵy Daraııa aýdanynda ornalasqan áskerı bólimge baryp, sırııalyq áskerılerdi arnaıy quttyqtaǵan.
BUU málimetterine qaraǵanda, 2011 jyldyń naýryz aıynan beri sırııalyq qaqtyǵystarda júz myńnan asa adam qaza tapqan.
