Damaskidegi Beıbarystyń qaıta jańartylǵan kesenesi bıyl resmı túrde tanystyrylady
ASTANA. 23 mamyr. QazAqparat /Jasulan Amanbaıuly/ - Damaskide Beıbarys jatqan kesene men onyń irgesindegi kitaphanany qaıta jańartý jumystary tolyq aıaqtaldy.
Bıyl bul tarıhı-mádenı eskertkishter resmı túrde tanystyrylmaq. Bul týraly búgin Astanada ıÝNESKO men ISESKO isi boıynsha ulttyq komıssııanyń otyrysynda QR Mádenıet mınıstri Muhtar Qul-Muhammed málim etti.
Onyń aıtýynsha, respýblıkamyzdyń 12 oblysynda tek ótken jyldyń ózinde 19 tarıhı-mádenı eskertkishti jóndeýden ótkizý jumystary bastaldy. Onyń 7-eýi qazirgi ýaqytta tolyqtaı aıaqtaldy. «Sonyń ishinde biz óz tarıhymyzda tuńǵysh ret Qazaqstannyń sheńberinen shyǵyp, shet eldegi ózimizdiń tarıhı-mádenı muramyzǵa qaıta jóndeý jumystaryn jasaý múmkindigine ıe boldyq»,- dep atap kórsetti ol.
«Elbasynyń tapsyrmasy boıynsha, qazir Damaskidegi Beıbarys jatqan kesene men onyń irgesindegi kitaphana túgeldeı qaıta jóndeýden ótkizildi. Onyń basyna jańadan qulpytas qoıyldy. Qudaı qalasa, osy jyldyń aıaǵyna deıin onyń resmı tanystyrylymyn jasaıtyn bolamyz»,-dedi Q. Muhammed.
