Damaskide Sot ǵımaratynyń aldynda terakt boldy
ASTANA. 28 maýsym. QazAqparat - Sırııa astanasynyń ortalyǵyndaǵy Sot ǵımarytynyń aldynda, kólik turaǵynda jarylys boldy.
Bolǵan jaǵdaıdyń sebep-saldary anyqtalýda, dep jazady Ýtro. rý sheteldik BAQ-qa silteme jasap.
Sırııada 1 jyldan astam ýaqyt boıy úkimetke qarsy ereýilder oryn alyp, toqtamaýda. Kún saıyn qaza tapqan qanshama beıbit adamdar men qarýly kúshterdiń qyzmetkerleri jaıly aqparat kelip túsýde. Aıta keteıik, sáýir aıynda qaqtyǵystar toqtalsyn dep buıryq berilgenimen, esh nátıje joq. BUU bergen málimetterine qaraǵanda, qurban bolǵan adamdardyń sany 12 myńnan asty. Sırııanyń bılik ókilderi habarlaǵandaı, qarýly oppozıtsııamen bolǵan qaqtyǵysta 2,5 myńnan astam áskerı jáne quqyq qorǵaý organdarynyń qyzmetkerleri kóz jumdy. Olardyń qarsylastary da qarýlanǵan. Qandy qaqtyǵysta qurban bolǵan beıbit adamdardyń sany 3,2 myńnan asty.
