Damaskide sodyrlar úkimettik gazettiń jýrnalısin óltirip ketti
ASTANA. 5 jeltoqsan. QazAqparat - Ceısenbi kúni Damaskiniń ońtústigindegi Tadamýn aýdanynda «Tıshrın» úkimettik gazetiniń tilshisi óltirildi, dep habarlaıdy Reseı Jańalyqtar agenttigi jergilikti SANA aqparat agenttigine silteme jasap.
«Bir top lańkes búgin jýrnalıst Nadjı as-Saadqa shabýyl jasap, ony Tadamýn aýdanynda úıinen jumysyna bara jatqan tusta óltirip ketti», - delingen agenttik habarlamasynda.
«Tıshrın» (Qazan) kúndelikti gazeti Sırııa úkimetiniń resmı basylymy bolyp tabylady. Agenttiktiń atap ótýinshe, oppozıtsııa sodyrlary eldegi eń tańdaýly mamandardy qasaqana óltirý arqyly sırııalyq úkimettiń kúshin álsiretýdi kózdeıdi.
