Damaskide salynyp jatqan Ál-Farabı tarıhı-mádenı ortalyǵynyń qurylysy eki jylda aıaqtalyp qalady - M. Qul-Muhammed
ASTANA. Aqpannyń 24-i. QazAqparat /Ernur Aqanbaı/ - Sırııanyń Damask qalasynda salynyp jatqan Ál-Farabı tarıhı-mádenı ortalyǵynyń qurylysy eki jyldyń kóleminde aıaqtalatyn bolady. Bul týraly búgin Astanada ótken 2009-2011 jyldarǵa arnalǵan «Mádenı mura» Ulttyq strategııalyq jobasyn júzege asyrý jónindegi Qoǵamdyq keńestiń kezekti otyrysynda Mádenıet jáne aqparat mınıstri Muhtar Qul-Muhammed aıtty,
dep habarlaıdy QazAqparat.
«Elbasynyń tapsyrmasy boıynsha Damask qalasyndaǵy Ál-Farabıdiń kesenesin qaıta jańǵyrtyp qana qoımaı, Farabıtanýdyń dúnıejúzilik tarıhı-mádenı ortalyǵyn salýǵa konkýrs jarııalanǵan bolatyn. Ol konkýrs boıynsha jumystar bastalyp ketti. Sol jerde ornalasqan 48 úı súrilip tastalyp, orny tegistelip, qurylys jumystary jaqsy qarqynmen júrip jatyr. Qudaı qalasa, bir-eki jylda bul ortalyqtyń qurylysy aıaqtalyp qalady», dedi otyrysta M. Qul-Muhammed.
Mınıstr ulttyq tarıhı murany halyqaralyq deńgeıde nasıhattaý maqsatynda Damaskidegi Sultan Beıbarystyń kesenesi jáne Mysyrdyń Kaır qalasyndaǵy Sultan Beıbarystyń meshiti qaıta jańǵyrtylyp jatqanyn atap ótti. «Elbasy toqsanynshy jyldardyń basynda Kaırge barǵan kezde Beıbarys saldyrǵan meshitke birinshi bolyp zııarat etken qazaq. Sodan beri qaraı kóp jumystar atqaryldy. Ol óte úlken meshit. Onyń tolyq jóndelýine júzdegen mıllıon dollar qarajat ketýi múmkin. Oǵan ıÝNESKO-nyń da qarajaty tartylady. Degenmen, Qazaqstan tarapy 4,5 mln. AQSh dollary kóleminde qarjy bólip otyr. Meshittiń memorıaldyq taqta ornalystyrylǵan tusyndaǵy jóndeý jumystary aıaqtalyp keledi», dedi ol.
