Damaskide Qurban aıt kezinde lańkestik oryn aldy
ASTANA. 27 qazan. QazAqparat - Damaskide musylmandardyń eń qasıetti merekesi - Qurban aıt kezinde iri lańkestik aktisi oryn aldy. Jarylǵysh zattar tıelgen kólik jaryldy, dep habarlady Associated Press.
Lańkestiktiń saldarynan kem degende 5 adam kóz jumyp, 30-dan astamy jaraqattandy. Damaskiniń turǵyny habarlaǵandaı, jarylys polıtsııa qyzmetkerleri úshin salynǵan turǵyn-úıdiń mańynda bolǵan.
Jýyrda Sırııanyń bıligi men oppozıtsııasy Qurban aıt kezinde 4 kúndik bitimge kelisken bolatyn. Sondyqtan da adamdar esh úreısiz dalaǵa shyqqan edi. Keıbir málimetterge qaraǵanda, lańkestikti "Djabhat an-Nýsra" ekstremıstik toby uıymdastyrǵan.
