Damaskide BUU sarapshylary shabýylǵa ushyrady
ASTANA. 26 tamyz. QazAqparat - Hımııalyq qarýdyń qoldanylǵany týraly aqparatty tergeý úshin Sırııaǵa kelgen BUU sarapshylary shabýylǵa ushyrady. Olar Damaskiniń ortalyǵynda turaqtaǵan qonaq úıdiń janynda mınomettiń 2 mınasy jaryldy, dep habarlady Reseıdiń «Jańalyqtar» agenttigi.
Oqıǵa saldarynan 3 adam zardap shekti. El bıligi bul jaıtty lańkesterge telip otyr. Búgin BUU ınspektorlary Four Seasons qonaq úıinen shyǵyp, hımııalyq qarý qoldanyldy delingen Damaskige taqaý Gýta aýdanyna tergeý amaldaryn júrgizý úshin shyqty. Sırııa úkimeti keshe BUU ekspertteriniń hımııalyq qarý qoldanylýy yqtımal aýdanǵa barý kestesin kelisken bolatyn.
