Damaskide 432 sodyr óz erikterimen qarýlaryn tastady
ASTANA. QazAqparat - Damaski tóńireginde sodyrlar óz erikterimen qarýlaryn tastady, dep habarlady «Sýrııa» spýtnıktik telearnasy.
Sońǵy málimetterge qaraǵanda, quqyq qorǵaý organdaryna el astanasynyń batysyndaǵy Býkeın men Madaıa qalasynyń 350, al Daraıa eldi mekeniniń 82 sodyry óz erikterimen berilgen. Olardyń barlyǵy da lańkestik áreketterge qatystylyǵy tekserilgennen keıin bostandyqqa shyǵaryldy.
Negizgi derekterge qaraǵanda, Damaskide jáne eldiń basqa da aýdandarynda soǵys is-qıyldaryn toqtatýǵa baǵyttalǵan 70 kelisim bar. Birqatar óńirlerde sodyrlar qarsylyq tanytýlaryn toqtatyp, Sırııanyń áskerı qyzmetshilerimen jáne ulttyq qorǵanys kúshterimen birlesip, kósheler men joldarǵa sholǵynshylyqqa shyǵýda. Áskerı bılik olardyń qaramaǵyna jeke qarýlaryn qaldyryp otyr.
Eldiń ulttyq tatýlasý memlekettik mınıstri Álı Heıdardyń paıymynsha, qarýly oppozıtsonerlermen ymyralastyqqa kelý janjaldy birtindep retteýge múmkindik beredi.
