Damaskidegi terakt: 15 adam qaza taýyp, 30-ǵa jýyq adam jaraqat aldy
ASTANA. KAZINFORM – Damaskiniń shyǵysyndaǵy hrıstıan shirkeýindegi terakti kezinde keminde 15 adam qaza taýyp, 30-ǵa jýyq adam jaraqat aldy, dep habarlaıdy TASS.
Al Hadath telearnasynyń málimetinshe, shirkeýge kirip ketken lańkes avtomat qarýdan dindarlarǵa oq jaýdyryp, artynsha jarylǵysh qurylǵyny iske qosqan.
Sırııa bıligi bul shabýylǵa jaýapkershilikti «Islam memleketi» ekstremıstik tobyna júktedi.
Terakt hrıstıan halqy shoǵyrlanǵan Dýveıla aýdanynda jasalǵan. Polıtsııa oqıǵa ornyn qorshaýǵa alyp, jaralanǵandardy alyp ketý úshin jedel járdem kólikteri kelip jatyr.
Bılik ókilderiniń málimetinshe, qaza tapqandar sany áli de artýy múmkin.
Aıta ketelik Damask qalasynyń shyǵys bóliginde ornalasqan qasıetti Apostol Pavel shirkeýiniń mańynda jarylys bolǵany týraly jazǵan edik.