Damaskidegi konsýldyqqa jasaǵan shabýylǵa qatysty Iran Syrtqy ister mınıstrligi málimdeme jasady
IRAN. KAZINFORM – Irannyń Damaskidegi Elshiligine jasalǵan agressorlyq áreketke qatysty Iran Islam Respýblıkasynyń Syrtqy ister mınıstrligi resmı málimdeme jasady.
«Iran Islam Respýblıkasynyń Qarýly Kúshteri BUU Jarǵysynyń 51-babynda keltirilgen ózin-ózi qorǵaý ajyramas zańdy quqyǵyn júzege asyrýda jáne sıonıstik rejımniń birneshe ret áskerı agressııalary men Sırııa Úkimetiniń shaqyrýy boıynsha qyzmet etip júrgen Irannyń áskerı keńesshilerin osy elde sháhıd qylýyna, ásirese, 2024 jyldyń 1 sáýirinde Damaskidegi elimizdiń dıplomatııalyq oryndaryna jasalǵan shabýylǵa jaýap retinde osy rejımniń áskerı bazalaryna birqatar áskerı soqqy jasady.
Iran Islam Respýblıkasy Birikken Ulttar Uıymynyń Jarǵysy men halyqaralyq quqyqtyń qaǵıdalary men maqsattaryna tabandylyǵyn qýattaı otyryp, kez kelgen zańsyz kúsh qoldaný men agressııalyq áreketterden óziniń egemendigi, aýmaqtyq tutastyǵy men ulttyq múddelerin qorǵaýǵa degen tabandylyǵyn qýattaıdy.
Iran Islam Respýblıkasynyń zańdy ózin-ózi qorǵaý quqyǵyn júzege asyrýda qorǵanystyq sharalarǵa júginýi, aparteıdtik sıonıstik rejıminiń Palestına halqyna qarsy zańsyz jáne genotsıdtik áreketteriniń jáne onyń kórshiles memleketterge talaı áskerı agressııalarynyń, aımaqta jáne odan tys jerlerde soǵys taratýdy jalǵastyryp jatqan jaǵdaıdaǵy Irannyń aımaqtyq jáne halyqaralyq beıbitshilik pen qaýipsizdikke jaýapty kózqarasyn kórsetedi.
Qajet bolǵan jaǵdaıda Iran Islam Respýblıkasy óziniń zańdy múddelerin kez kelgen áskerı agressııalyq áreketter men zańsyz kúsh qoldanýdan qorǵaý úshin qosymsha qorǵanys sharalaryn qabyldaıtyn bolady», - dedi Iran Islam Respýblıkasynyń Syrtqy ister mınıstrligi.
