Damaskide Sırııa qorǵanys mınıstrligi mańynda kólik jaryldy
ASTANA. KAZINFORM - Damask qalasynda Sırııa Qorǵanys mınıstrligi ǵımaratynyń mańynda jarylys boldy.
Bul týraly agenttiktiń menshikti tilshisi habarlady.
SANA málimetinshe, jarylys seısenbi kúni mına qoıylǵan avtokólikte bolǵan.
Oqıǵa saldarynan bir áskerı qyzmetker qaza taýyp, taǵy 23 adam jaralanǵan.
Sırııa qorǵanys mınıstrliginiń baspasóz qyzmeti buǵan deıin áskerı bólimshe Bab-Sharkı aýdanyndaǵy vedomstvo ǵımaraty mańynan qoldan jasalǵan jarylǵysh zatty anyqtaǵanyn málimdedi.
Áskerıler ony zalalsyzdandyrý jumystaryn júrgizip jatqan kezde jaqyn mańda jarylǵysh zat tıelgen kólik jarylǵan.
Sırııa Densaýlyq saqtaý mınıstrligi jedel járdem jáne tótenshe jaǵdaılar qyzmetiniń basshysy Nadjıb an-Naasan zardap shekkenderdiń jaqyn mańdaǵy aýrýhanalarǵa jetkizilgenin aıtty.
Olarǵa qajetti medıtsınalyq kómek kórsetilgen.
Ázirge shabýyl úshin jaýapkershilikti eshbir top moınyna alǵan joq.
Osyǵan deıin AQSh áskeriniń Sırııadan ketkeni týraly jazdyq.
