Damaskide bılik aýysqaly beri Túrkııadan 175 myńnan asa sırııalyq ketken
ASTANA. KAZINFORM — Sırııada bılik aýysqannan keıin Túrkııadan 175 myńnan asa bosqyn eline oraldy, dep habarlaıdy AZERTADJ.
Bul týraly Túrkııa Іshki ister mınıstrliginiń basshysy Álı Erlıkaıa aıtty.
Mınıstr atap ótkendeı, Túrkııa Sırııadaǵy shıelenis bastalǵan sátten beri sırııalyqtardyń óz úıine «óz erkimen, qaýipsiz, ári uıymdastyrylǵan túrde oralýyn» qoldap keldi.
Túrkııa ІІM basshysy 2024 jyldyń 9 jeltoqsanynda tańnan bastap bosqyndar shekaralas jatqan baqylaý-ótkizý pýnktterine kele bastaǵanyn eske saldy.
— Sol sátten bastap 175 512 sırııalyq baýyrlarymyz nemese 33 730 otbasy otanyna oraldy, — dep qosty mınıstr.
Erlıkaıanyń aıtýynsha, 2017-2025 jyldar aralyǵynda 915 515 bosqyn Sırııaǵa óz erkimen qaıtqan.
Bul rette ol BAQ betterindegi Gaza sektory turǵyndaryn Sırııanyń soltústigindegi bosqyndar lagerine ornalastyrý jospary týraly aqparatty joqqa shyǵardy.
Buǵan deıin habarlanǵandaı, Túrkııa men Izraıl Sırııadaǵy qaqtyǵystardyń aldyn alý boıynsha keńesýlerdi bastady.