Damaskide AQSh Kongresiniń delegatsııasymen sanktsııalardy alyp tastaý múmkindigi talqylandy
ASTANA. KAZINFORM — Sırııanyń qarjy mınıstri Mohammed ıAser Barnııa Halyqaralyq valıýta qory men Dúnıejúzilik banktiń kóktemgi sessııalaryna qatysý úshin AQSh-qa barý nıetin bildirdi, dep habarlaıdy Kazinform tilshisi.
— Men AQSh-qa bara jatyrmyn, ondaǵy Halyqaralyq valıýta qory men Dúnıejúzilik banktiń kóktemgi otyrystaryna Sırııanyń atynan qatysamyn. Biz Sırııanyń halyqaralyq qarjy júıesi men álemdik qaýymdastyqqa qaıta oralatynyna úmittenemiz, — dedi mınıstr Sırııa telearnasyna.
Sırııa delegatsııasynyń quramynda eldiń Ortalyq bankiniń basshysy Abdelkader ál-Hasrııa da bar.
Senbi kúni tańerteń AQSh kongresiniń delegatsııasy Damaskige bardy. Sırııa bıligi ókilderimen kelissózder barysynda aımaqtaǵy jaǵdaı, sondaı-aq Vashıngton salǵan birjaqty sanktsııalardy jeńildetý nemese alyp tastaý múmkindigi talqylandy.
Osydan buryn Damaskide bılik aýysqaly beri Túrkııadan 175 myńnan asa sırııalyq ketkeni anyqtaldy.