Túrkııa Izraıldi óz mindetin oryndaýǵa shaqyrady

ASTANA. KAZINFORM — Túrkııa Syrtqy ister mınıstri Hakan Fıdan HAMAS uıymynyń Gaza sektoryndaǵy atysty toqtatý kelisimin turaqtandyrý úshin syndarly qadamdar jasaýǵa daıyn ekenin aıtty, dep habarlaıdy ANEWZ. 

Mınıstr Izraıldiń de osyndaı mindettemeni oryndaýy kerektigin jetkizdi. Ol «Gaza sektory Palestınanyń bir bóligi jáne sol qalpynda qalýy qajet» dep nyqtap aıtty. 

Sondaı-aq ol Aq úıdegi kezdesý týraly da aıtyp, bul sapar Túrkııaǵa Sırııadaǵy mańyzdy máseleler boıynsha óz ustanymyn usynýǵa múmkindik berdi dep málimdedi.

Aıta keteıik, buǵan deıin Izraıl balalarǵa arnalǵan taǵamnyń Gazaǵa jetkizilýine kedergi keltiretip otyrǵany týraly jazǵan bolatynbyz.