Damask Sırııa boıynsha jan-jaqty atysty toqtatý týraly habarlady

ACTANA. KAZINFORM – Sırııa prezıdentiniń ákimshiligi elde jappaı atysty toqtatý týraly jarııalady, dep habarlaıdy Kazinform Anadolu agenttigine silteme jasap.

– Sırııa halqy arasyndaǵy qantógisti boldyrmaý úshin jáne memlekettiń ulttyq jáne gýmanıtarlyq jaýapkershiligine sáıkes, jan-jaqty atysty toqtatý týraly sheshim qabyldandy, - delingen habarlamada.

Sırııa bıligi qaqtyǵysqa qatysýshy barlyq tarapty atysty toqtatýdy júzege asyrý, jaǵdaıdy turaqtandyrý jáne qantógisti toqtatý úshin memlekettik mekemeler men qaýipsizdik kúshterin qajetti keńistikpen qamtamasyz etýge shaqyrdy. 

Málimdemede barlyq qarýly qaqtyǵys pen soǵys qımyldaryn dereý toqtatý, sondaı-aq beıbit turǵyndardy qorǵaý jáne gýmanıtarlyq kómekke kedergisiz qol jetkizýge kepildik berý qajettiligi atap ótilgen. 

Ákimshiliktiń habarlaýynsha, Sırııanyń qaýipsizdik kúshteri atysty toqtatý rejımin qadaǵalaý, qoǵamdyq tártipti saqtaý jáne halyqtyń qaýipsizdigin qamtamasyz etý úshin qazirdiń ózinde birqatar aımaqqa ornalasa bastady. Bul sharalar eldegi «tynyshtyq pen turaqtylyqty nyǵaıtýǵa» baǵyttalǵan.

Buǵan deıin AQSh bıligi Sırııadaǵy qaqtyǵysty toqtatýǵa ýáde bergen bolatyn.