Damask meshitindegi jarylysta álemdegi iri ǵalymdardyń biri sheıh Ramazan ál-Býtı qaza tapty

Sheıit bolǵandardyń ishinde búgingi kúnniń tanymal ǵalymy, dindar Muhammed Saıd Ramazan ál-Býtı de bar. Bul jaıynda sırııalyq telearnalar habar taratty.

Polıtsııa qyzmetkerleriniń taratqan málimetine qaraǵanda, meshitke jarylys zatty jankeshti alyp kirip, ózimen qosa jaryp jibergen. Bul kezde sheıh ál-Býtı jamaǵatqa dáris júrgizip turǵan. Lańkestik aktiniń saldarynan 21 adam kóz jumdy.

muslim.kz saıtynyń jazýynsha, Sırııadaǵy tanymal ǵalym Muhammed ıAǵqub álemdegi iri ǵalymdardyń biri bolǵan ál-Býtıdiń dúnıeden ozǵanyn estip, qabyrǵasy qaıysyp otyrǵanyn aıtty. Onyń aıtýynsha, ál-Býtıdeı ǵalymnyń kóz jumýy kúlli úmbet úshin orny tolmas qaza boldy.

Muhammed ıAǵqub búgingi rejımniń tym shekten shyǵyp bara jatqandyǵynan ál-Býtıdiń Sırııadan ketkisi kelip júrgen jospary baryn aıtty. «Muny bilgen rejım de odan qutylǵysy kelgendeı», - deıdi ol.

Ramazan ál-Býtı ıslam dinine jáne Paıǵambarymyz Muhammedtiń (s.ǵ.s.) ómirine qatysty kóptegen eńbekter men kitaptardyń avtory. Qartaıǵanyna (83 jas) jáne eldegi qıyn jaǵdaıǵa qaramastan sheıh shákirtterine dáris berýin toqtatqan emes.