Damask mańynda mıkroavtobýs jarylyp, 14 adam zardap shekti
ASTANA. KAZINFORM – Sırııa astanasy Damask mańyndaǵy Djaramana qalasynda jolaýshylar mingen mıkroavtobýs jaryldy. Saldarynan 14 adam jaraqat aldy. Bılik oqıǵanyń mán-jaıyn anyqtaý úshin tergeý bastady, dep habarlaıdy Kazinform agenttiginiń menshikti tilshisi.
6 tamyz kúni keshke Damask mańyndaǵy Djaramana qalasynda jolaýshylar mıkroavtobýsyna qoıylǵan jarylǵysh qurylǵy kólik qozǵalys kezinde iske qosyldy.
Sırııanyń SANA agenttigi Іshki ister jáne Densaýlyq saqtaý mınıstrlikterine silteme jasap habarlaǵandaı, jarylys saldarynan 14 adam zardap shekti. Olardyń úsheýiniń jaǵdaıy aýyr.
Sırııa Іshki ister mınıstrliginiń málimetinshe, ishki qaýipsizdik kúshteri oqıǵa bolǵan aýmaqty qorshaýǵa alyp, aıǵaqtardy jınaýǵa kirisken. Qazir jarylysty uıymdastyrǵandardy anyqtaý jáne ustaý baǵytynda tergeý júrgizilip jatyr.
-Arnaıy bólimsheler oqıǵa bolǵan alǵashqy mınýttardan bastap tergeýge kiristi. Maqsat – qylmystyń barlyq mán-jaıyn anyqtap, kinálilerdi jaýapqa tartý, – delingen vedomstvo málimdemesinde.
🚨 Breaking | Syria
— Fared Al Mahlool | فريد المحلول (@FARED_ALHOR) August 6, 2026
An explosion has been reported in the town of Jaramana, southeast of Damascus, Syria.
Preliminary reports indicate that the blast occurred aboard a public transport minibus, resulting in multiple injuries.
The circumstances surrounding the incident remain… pic.twitter.com/JACKg00atm
Juma kúni Sırııa Densaýlyq saqtaý mınıstrligi buǵan deıin taraǵan eki adamnyń qaza tapqany týraly aqparattyń rastalmaǵanyn málimdedi.
Tekserý barysynda oqıǵa ornynan tabylǵan adam denesiniń bólikteri qaza bolǵandarǵa emes, aýyr jaralanyp, operatsııa jasalyp jatqan zardap shekkenderge tıesili ekeni anyqtalǵan.
Jańartylǵan resmı málimetke sáıkes, 14 adam jaraqat alǵan, qaza tapqandar joq.
Ázirge Sırııa bıligi shabýylǵa qatysty eshkimge aıyp taqqan joq.
Sırııanyń Syrtqy ister mınıstri Asaad ash-Shaıbanı áleýmettik jelidegi paraqshasynda shabýyldy aıyptap, mundaı áreketter eldegi ótpeli kezeńniń jalǵasýyna kedergi keltirmeıtinin aıtty.
-Beıbit turǵyndarǵa jasalǵan shabýyldar men qaýipsizdik pen turaqtylyqty buzýǵa baǵyttalǵan áreketter sırııalyqtardy eldi qalpyna keltirý jáne memlekettik ınstıtýttardy nyǵaıtý jolynan qaıtara almaıdy. Memlekettik organdar azamattardy qorǵaý, osy qylmystardy jasaǵandardy izdep taýyp, olardy jaýapqa tartý jónindegi mindetin oryndaýdy jalǵastyrady, – dedi mınıstr.
Kýágerlerdiń aıtýynsha, jarylǵysh qurylǵy mıkroavtobýstyń ishine jasyrylǵan. Jarylystan kólik túgelge jýyq joıylǵan. Al mańdaǵy dúkender men kórshi avtobýsqa bolmashy ǵana zaqym kelgen.
A bomb planted in a minibus killed two people and wounded several others on the outskirts of Syria's capital Damascus on August 6, officials said https://t.co/yMgNLKQ452 pic.twitter.com/QrBtHJ3X39
— Reuters (@Reuters) August 7, 2026
Jarylys qarbalas ýaqytta Djaramana aýdanynyń ortalyǵyndaǵy Ál-Raýda kóshesinde boldy. Bul – negizinen drýzdar men hrıstıandar turatyn aýdannyń basty kósheleriniń biri.
Djaramana 2024 jyldyń jeltoqsanynda burynǵy prezıdent Bashar Asad elden ketkennen beri turaqsyzdyq oshaǵyna aınaldy.
2025 jyldyń basynda munda qarýly drýz jasaqtary men úkimet kúshteri arasynda qaqtyǵystar bolǵan.
Sol jyldyń sáýir jáne mamyr aılarynda Djaramanada konfessııaaralyq zorlyq-zombylyq oqıǵalary tirkeldi. Keıinnen bul jaǵdaı Damask bıligi men Djaramana jáne Sýveıdadaǵy drýz qaýymynyń jetekshileri arasynda qarýsyzdaný jónindegi kelisimderdiń jasalýyna negiz boldy.
Al Jazeera telearnasy sońǵy kúnderi Djaramanadaǵy ahýaldyń qaıta shıeleniskenin habarlady. Eki kún buryn qalada Sýveıdadaǵy zańbuzýshylyqtarǵa kinálilerdi jaýapqa tartýdy talap etken narazylyq aktsııalary ótken.
Sırııa astanasynda jarylys bolyp, birneshe adam zardap shekti.
