Damask áýejaıy 13 jylda Qatardan alǵashqy reısti qabyldady

ASTANA. KAZINFORM — Damask halyqaralyq áýejaıy seısenbi kúni Qatardan 13 jyldaǵy alǵashqy azamattyq reısti qabyldady. Bul týraly áýejaı ókilderi málimdedi, dep jazady Sınhýa aqparat agenttigi.

Sırııanyń burynǵy úkimeti tusyndaǵy shıelenisterge baılanysty toqtatylǵan baǵyt jeltoqsanda bılik aýysqannan keıin birneshe apta ótken soń qaıta jandandy. Bul Sırııanyń jańa úkimeti men Doha arasyndaǵy qarym-qatynastardyń jylynýyn bildirýi múmkin. 

Keıingi reıster nemese uzartylǵan qyzmet kórsetý kesteleri týraly tolyǵyraq aqparat áli jarııalanǵan joq. 

Bashar Asad bıligi qulatylǵannan keıin Sırııanyń ótpeli úkimetiniń jańa Syrtqy ister mınıstri Asaad Hasan ash-Shıbanı Dohaǵa baryp, onda Qatardyń premer-mınıstri jáne Syrtqy ister mınıstri sheıh Muhammed ben Abdel Rahman ben Djassım Ál Tanımen kezdesti. 

Eki jaq ta kelissózderdi «tereń jáne jan-jaqty» dep sıpattap, Sırııany qalpyna keltirý jáne aýysý úderisi úshin ortaq jol kartasynyń mańyzdylyǵyn atap ótti.

Eske salsaq, Sırııa oppozıtsııasy Damaskiniń Asad rejıminen azat etilgenin jarııalady. Bul týraly Sırııadaǵy adam quqyqtaryn baqylaý ortalyǵy habarlady.

Keıinnen Bashar Asad prezıdenttik qyzmetten bas tartyp, elden ketý týraly sheshim qabyldaǵany belgili boldy.

16 jeltoqsanda Bashar Asad elden qashqan soń alǵash ret málimdeme jasaǵanyn jazǵan edik.

BUU málimetinshe, 3 aptada kórshi elderden Sırııaǵa 50 myńnan asa adam oralǵan.